OurenseÚltima hora

A actriz Isabel Blanco recibe o XXXV Premio “Celanova Casa dos Poetas”

O acto de entrega do galardón tiña lugar na mañá do domingo 8 de setembro

 

Un ano máis, a principios de setembro, Celanova lembraba aos seus ilustres escritores coa entrega do XXXV Premio “Celanova Casa dos Poetas” á actriz Isabel Blanco.

Os actos programados para este domingo 8 de setembro comezban coa recepción na Casa do Concello da premiada nesta edición así como dos convidados entre os que estaban o presidente do Parlamento de Galicia, o director xeral de Políticas Culturais, o vicepresidente da Deputación Provincial de Ourense, a xefa territorial de Cultura en Ourense, así como numerosos persoeiros vinculados ao mundo da cultura como Anxo Angueira, presidente da Fundación Rosalía de Castro, Acisclo Manzano e Xosé Luís Méndez Ferrín, entre outros.

 

Recepción dos convidados ao acto.

 

De seguido tiña lugar unha ofrenda floral e unha semblanza de Celso Emilio diante do seu monumento con motivo do 40 cabodano. Tras o saúdo por parte do alcalde de Celanova e Presidente da Fundación Curros Enríquez, Antonio Puga Rodríguez, colocábase un centro fronte o busto do poeta mentres o grupo de gaitas do Concello de Celanova interpretaba o Himno Antergo do Reino de Galicia.

 

Asistentes ao acto na Casa dos Poetas.

Os asistentes, unha vez rematada a homenaxe, trasladábanse á horta da Casa dos Poetas acompañados polo grupo de gaitas O gaiteiro de Penalta para proceder á entrega do premio. Na mesa estaban o director xeral de Políticas Culturais, Anxo Lorenzo; o Presidente do Parlamento de Galicia, Miguel Santalices; o presidente da Fundación Curros Enríquez, Antonio Puga Rodríguez; a premiada, Isabel Blanco; Miguel Anxo Fernández e Rosendo Fernández Vicepresidente da Deputación provincial de Ourense.

 

 

Fotos cedidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close