A Agrupación Municipal Socialista de O Barco presenta á nova executiva

O alcalde, Alfredo García, repetirá como candidato de cara ás vindeiras eleccións

Continuísta. Así será o labor da nova executiva da Agrupación Municipal Socialista de O Barco, elixida trala esemblea de militantes celebrada o 31 de xaneiro.

Con Ángel Martínez Uberuaga como secretario xeral, a nova executiva está formada por: Mari Carmen Núñez Casado (Secretaría de Organización), Margarita Ojea Cabado (Secretaría de Igualdade, P. Social e Xuventude), María Irene Dacal Feijoo (Secretaría de Política Municipal), Roberto Macías García (Secretaría de Formación e Novas Tecnoloxías), Natalia Álvarez Diéguez (Secretaría de Administración) e Aurentino Alonso Araujo (Secretaría de Acción Electoral e Medio Ambiente). Tamén forma parte pero sen cargo, o alcalde do Barco Alfredo García e o coordinador das Xuventudes Socialistas Adrián Borrajo.

Na presentación da lista, o secretario xeral asegurou que herdan unha xestión “moi boa da anterior executiva que mantivo a alcaldía durante vinte anos”. A ese respecto tamén adiantou que de cara ás vindeiras eleccións municipais, Alfredo García vai repetir. “Estamos moi lonxe para falar de listas pero el será quen marque o camiño cara onde quere ir”. Martínez Uberuaga tamén dixo que “o noso será un labor administrativo e de xestión cos militantes e apoio ao grupo de goberno”, ademais de intentar “abrir o partido para intentar aumentar a militancia” porque tiveron baixas. “Temos 48-49 con algúns pendentes”, dixo a secretaria de Organización, asegurando que o labor non será doado porque “pagamos unha cuota de 72 euros ao ano, bastante alta, que bota un pouco para atrás”.

Fotos: Mónica G. Bellver.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies