ConcellosÚltima hora

A alcaldía de Viana do Bolo, en mans do BNG, convoca o pleno de organización sen haber acordo co PSOE

Entre os puntos da orde do día da sesión, que se celebrará esta tarde, figuran varias adicacións parciais

A alcaldía nacionalista de Viana do Bolo, que ocupa Secundino Fernández (BNG), vén de convocar o pleno de organización para esta tarde de martes, 23 de xullo, ás 20:00 horas. Esta convocatoria chega sen que, finalmente, puidese haber acordo de goberno entre o BNG e o PSdG-PSOE.

 

Secundino Fernández, alcalde nacionalista de Viana do Bolo, durante o pleno constituínte da nova corporación.

 

O obxectivo deste pleno será a constitución dos grupos municipais e a designación de voceiros, a creación de comisións informativas e a proposta de creación da xunta de goberno local.

Así, na sesión tamén se fará efectiva a dimisión do concelleiro socialista, Pablo Salgado. Ademais,  darase conta dos nomeamentos de tenentes de alcalde, abordaranse as dietas de asistencia a sesións, comisións e órganos colexiados, e formularase a proposta de adicacións parciais.

En canto aos tenentes de alcalde, os concelleiros que serán nomeados para desempeñar os cargos serán, en primeiro lugar, José Antonio Alfonso, responsable de Obras, Urbanismo e Servizos Públicos; en segundo lugar, Graciela Diéguez, responsable de Cultura, Deportes e Turismo; e por último, Natalia Estévez, responsable de Servizos Sociais e Igualdade.

Así, a proposta da alcaldía das adicacións parciais será do 25% para a alcaldía con 10.000 euros brutos anuais; do 50% para o 1º tenente de alcalde con 12.500 euros brutos anuais; e do 25% para a 2ª tenente de alcalde con 6.500 euros brutos anuais.

Texto: Alba Prada

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close