Cunha lectura pública de poesía na praza da vila iniciábanse na tarde do 17 de maio os actos das Letras Galegas en Vilariño de Conso. A continuación, dábase paso a unha actuación do vianés Mago Teto, seguida por nenos pero tamén por maiores. Nese mesmo escenario, despregaba o seu espectáculo “Alquimia”.
Nesta peza este ilusionista embárcase nunha nova aventura co fin de chegar a descifrar a estraña simboloxía dos libros sobre alquimia, e buscar a pedra filosofal. Pero o seu obxectivo non é acadar riqueza ou a eterna xuventude, senón lograr facerse coa felicidade. Nesta representación, este mago vianés xogaba con tres elementos primarios: auga, terra e lume. E, por suposto, implicaba de principio a fin ao público.
Fotos: Carlos G. Hervella.