As actividades da segunda xornada da Festa da Bica de Trives inaugurábanse ás 8:30 horas de hoxe, día 28 de xullo, na Praza do Concello, coa saída da andaina “Romería Festa da Bica”. Esta actividade, organizada polo Concello e o Club de Montaña de Trives, estaba calificada “de dificultade alta”, e a primeira persoa en chegar, Carlos Vázquez, acadou o alto de Cabeza Grande de Manzaneda en 3 horas. Protección Civil tamén colaborou nesta actividade.
Así, os asistentes dispoñían de distintos puntos con comida e bebida para recuperar, mentres que ao acabar a proba, tiñan preparado un “xantar de romería”. Este consistiu en variedade de empanadas, lacón, etc. ademais de distintas bebidas. “Falaremos con concellos limítrofes para facer actividade en conxunto o próximo ano, do que se trata é de recuperar a romería”, afirmaba Miguel Sierra, concelleiro de Deportes de Trives.
Ademais, a outra actividade programada para a mañá de domingo 28 de xullo era a alborada. As rúas de Trives enchéronse de música da man da Banda de Gaitas Os Trintas de Trives dende as 10:00 horas.
Texto: Alba Prada.
Fotos: Carlos G. Hervella.
