SanidadeÚltima hora

A área do PAC de Trives rexistra un único caso activo de Covid-19

Manzaneda e San Xoán de Río están libres de virus, mentres Trives contabiliza un só positivo

Exterior do Centro de Saúde de Trives./ Foto: Carlos G. Hervella.

 

Tras rexistrar dúas altas neste venres 29 de maio, o municipio de San Xoán de Río queda libre de coronavirus, tal e como confirma o seu alcalde, Xosé Miguel Pérez. Este concello chegou a rexistrar 10 casos, en oito dos cales as persoas foron dadas de alta, mentres que os dous pacientes restantes resultaban falecidos.

Así, segundo a última actualización de datos ofrecida polos concellos, na área sanitaria do PAC de Trives tan só se mantén nestes momentos un único caso activo, en A Pobra de Trives. O municipio trivés rexistraba un total de 11 altas por Covid-19 ao longo da emerxencia sanitaria.

O único concello da área do PAC de Trives que mantiña libre de coronavirus nestes meses é Manzaneda. Ademais cabe destacar que ningunha das residencias de maiores destes tres concellos rexistrou casos de Covid-19.

 

Artigos relacionados

Back to top button
Close