Seguen aumentando os casos activos de Covid na Área do PAC de Trives (concellos de Trives, San Xoán de Río e Manzaneda). Así, segundo os últimos datos comunicados polo Sergas (actualizados ás 18h. de onte), neste 7 de decembro son un total de 38 os positivos desta área, o que supón 16 máis que o pasado venres.
Os positivos medran nos tres municipios. Así hai 8 en Manzaneda (1 máis que o venres), 26 en Trives (13 máis que o venres) e 4 en San Xoán de Río (2 máis que o venres).