Leve incremento tamén nos casos activos de coronavirus na Área do PAC de Trives, que inclúe aos concellos de Trives, San Xoán de Río e Manzaneda. Nela rexístranse 20 positivos de Covid (datos actualizados ás 18h. de onte), o que supón 4 máis que o pasado venres, cando a Consellería de Sanidade facía públicos os anteriores datos.
Os contaxios activos soben en Trives, con 16 positivos (3 máis que o pasado venres) e en San Xoán de Río, que dende o 14 de febreiro estaba libre de covid e agora nos datos deste luns ten 2 positivos. En cambio, descenden os casos en Manzaneda con 2 positivos, 1 menos que o pasado venres.
