A cifra de casos de coronavirus en Galicia ascende a 4.635, segundo a última actualización que vén de dar a coñecer a Dirección Xeral de Saúde Pública da Consellería de Sanidade.
Dese todal de casos activos, 990 son da área da Coruña, 533 da de Lugo, 694 da de Ourense (son 34 máis que os rexistrados no día de onte), 425 da de Pontevedra, 1.049 da área de Vigo, 675 da de Santiago, e 269 da de Ferrol. Por agora non se facilitaron datos por hospitais dentro da provincia de Ourense.
Do conxunto de pacientes galegos, 176 permanecen en UCI, 870 están en unidades de hospitalización e 3.589 no domicilio. Polo de agora, en Galicia rexistráronse 435 altas de pacientes e 149 falecementos.
O número de PCR realizadas é de 23.324.