Ascenden a 992 os casos activos por coronavirus na Área Sanitaria de Ourense, Verín e O Barco de Valdeorras. Deles, un total de 791 permanecen a seguemento a domicilio, 181 están ingresados en planta e 20 en UCI, segundo a última actualización de datos da Consellería de Sanidade.
No caso do Hospital Universitario de Ourense hai 154 pacientes ingresados en planta e 19 en UCI. Ademais no Hospital de Valdeorras hai 15 paciente ingresados en planta con COVID-19 e 9 no Hospital de Verín.
Nos referente aos hospitais privados, hai un paciente en planta no Centro Médico El Carmen, 2 en planta no CO.SA.GA e 1 en UCI.
Os 20 pacientes ingresados en UCI na provincia presentan “prognótico grave”, segundo o Sergas.
O total de casos rexistrados na área sanitaria ourensá ascende a 1.111, con 83 altas e 36 falecementos (7 deles no Hospital de Valdeorras).
Os datos do Sergas non inclúen dende o 1 de abril os pacientes con coronavirus en residencias da terceira idade, nin os dous seus traballadores.
Un total de 6.151 casos en Galicia, dos que 5.342 están activos
O número de casos activos de coronavirus en Galicia, tal e como recolle a última actualización da Consellería, ascende a 5.342. Deles 1.071 son da área da Coruña, 563 da de Lugo, 992 da de Ourense, 457 da de Pontevedra, 1.081 da área de Vigo, 871 da de Santiago, e 307 da de Ferrol.
Do conxunto de pacientes positivos, 168 permanecen en UCI, 939 están en unidades de hospitalización e 4.235 no domicilio. Polo de agora, en Galicia rexistráronse 610 altas de pacientes e 199 falecementos, co que o número total de casos sobe a 6.151, tendo en conta que dende o 1 abril nesta estatística de Sanidade non se contabilizan os casos en residencias.
O número de PCR realizadas é de 30.002.
Máis información:
https://osil.info/as-residencias-ourensas-rexistran-311-casos-activos-de-covid-19-entre-residentes-e-traballadores/
