Os produtos locais e artesáns serán os protagonistas de tres feiras que se desenvolverán no marco da Semana Santa en tres concellos diferentes: Castro Caldelas, Maceda e Trives. Esta iniciativa, promovida pola Asociación Cultural Tarabelada (en colaboración cos Concellos), incluirá ademais actividades lúdicas como o espectáculo de circo “Meketrefe Show” e obradoiros infantís de construción de malabares.
A primeira destas feiras artesás está prevista en Castro Caldelas o día 29 de marzo cun horario de 10h. a 20h. Ao día seguinte a mostra intalarase en Maceda e, finalmente, o día 31 de marzo montarase na vila de Trives.
