Do 1 ao 9 de decembro celebrarase en Verín a treceira edición do Festival Internacional de Curtas Vía XIV que contará novamente coa colaboración de voluntarios para a súa posta en marcha.
Tal como adiantan dende a Asociación Cultural Audiovisual Vía XIV, encargada de por en marcha o certame, todo aquel que desexe cooperar na organización pode inscribirse a través da web do festival (ficviaxiv.com), cumprimentado un formulario específico que pode baixarse na pestaña voluntarios.
Ademais, está previsto que a asociación asine un novo convenio coa Universidade de Santiago de Compostela para contar con estudantes de Xornalismo e Comunicación Audiovisual interesados en participar. Estes alumnos realizarán, entre outras, tarefas de prensa, xestión de redes sociais, realización e produción audiovisual durante o evento.
