Galerías de fotosOurenseÚltima hora

A Asociación de Colleiteiros do Ribeiro celebra o seu 20 aniversario

Coa entrega dunha serie de premios e recoñecementos a diferentes persoas e organizacións celebraba o seu 20º aniverario a Asociación de Colleiteiros Embotelladores do Ribeiro. O acto tiña lugar na tarde do 6 de setembro no Edificio Afundación de Ourense coa presenza de diferentes representantes do mundo do viño e dos diferentes sectores económicos, empresariais e de diferentes administracións, entre os que estaba a conselleira do Medio Rural, Ángeles Vázquez.

Precisamente, unha das galardoadas nesta gala por parte da asociación, que preside Brais Iglesias, era a conselleira. Vázquez agradeceu a distinción e puxo en valor o papel dos colleiteiros, que definiu como “punto de partida da cadea de valor do noso viño”. Indicou ademais que en Galicia “temos o mellor produto, a mellor uva”, que se potencia cunha terra fértil e unha climatoloxía “case sempre amable”.

A conselleira destacou tamén o avance na internacionalización rexistrado polo sector galego en xeral e de maneira particular por esta denominación de orixe, vinculando este éxito co traballo dos máis de 5.752 viticultores da comarca e das súas 114 adegas, co apoio do Consello Regulador.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close