A Asociación Provincial de Protección Civil de Ourense asina un convenio de colaboración coa Xunta

Este acordo, que tamén se asinaba coas asociacións provinciais de Pontevedra, Coruña e Lugo; inclúe axudas para a realización de actividades de autoprotección e de formación do persoal voluntario do corpo, así como a organización e realización de operativos, exercicios e simulacros

A Xunta manterá a liña de colaboración nas accións de prevención, promoción, divulgación, información, formación e socorro en materia de Protección Civil na provincia. Así se reflicte no convenio de colaboración que se asinaba o 10 de abril entre a Administración galega e a Asociación Provincial de Protección Civil de Ourense, que preside Clemente Pérez.

Neste acto, celebrado en Santiago, o vicepresidente da Xunta, Alfonso Rueda, acompañado polo director xeral de Emerxencias e Interior, Santiago Villanueva, asinaba outros tres convenios de colaboración individualizados coas entidades de Protección Civil das provincias de A Coruña, Lugo e Pontevedra.

Inclúese ademais no convenio axudas para a realización de actividades de autoprotección e de formación do persoal voluntario do corpo, así como na organización e realización de operativos, exercicios e simulacros. Na mesma liña traballarase no desenvolvemento dos plans territoriais Protección Civil, participando activamente nas campañas planificadas pola Dirección Xeral de Emerxencias e Interior e colaborando cos parques de bombeiros locais ou comarcais e cos grupos de emerxencia supramunicipais “GES”.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies