ConcellosÚltima hora

A Aula CeMIT do Barco acollerá o exame da Xunta de competencias dixitais en ofimática

Estas probas terán lugar o vindeiro 14 de novembro ás 10 horas no citado centro, situado na segunda planta do edificio multiusos
Aula CeMIT do Barco./ Foto: A.R.

Entre os centros da rede CeMIT nos que se realizarán en novembro as probas de avaliación de carácter libre para a obtención da certificación galega de competencias dixitais en ofimática figura o do Barco, situado na segunda planta do edifico multiusos da vila.

Así pode verse no DOG nº 194 do 10 de outubro publica a orde pola que se convocan as citadas probas e a listaxe de centros onde se celebrarán, xunto cos horarios de realización. No caso do Barco terán lugar o 14 de novembro, ás 10 horas na citada aula.

As persoas que desexen participar nas probas presenciais deberán inscribirse a través de internet na páxina web de CeMIT cemit.xunta.gal. e, tal e como se recolle na base 4, poderán escoller unha única localidade, día e hora, sendo excluídos os que seleccionen máis dunha opción.

“Unha vez remate o prazo de preinscrición (o último día será o xoves, 18 de outubro inclusive), realizarase o sorteo público de extracción das letras para obter a orde de prelación por apelidos das persoas con dereito á matriculación. O resultado publicarase na web da rede CeMIT para a súa consulta pública (https://cemit.xunta.gal), e as persoas seleccionadas provisionalmente recibirán un correo electrónico coas instrucións para realizar o pagamento ou remitir a xustificación da súa exención”, segundo a información feita pública dende o Concello do Barco.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close