Publicidade
CulturaMúsicaÚltima hora

A banda de gaitas “Nova Era” actuará nunha actividade paralela do FIC Vía XIV de Verín

O festival busca poñer en valor o papel da música no cinema

A banda de gaitas “Nova Era”. / Foto: cedida.

 

O Festival Internacional de Curtas (FIC) Vía XIV de Verín programa unha actividade paralela a cargo de cinco membros da banda de gaitas “Nova Era”, que ofrecerán unha proposta musical orixinal alternativa para unha das curtas que se programen no certame. Con esta proposta a organización busca poñer en valor a música como elemento central da cinematografía. Segundo o director do festival, Carlos Montero, “preténdese facer fincapé en como a música pode axudar a transmitir as mensaxes presentes nas imaxes”.

A banda de gaitas nace no ano 2015 para dinamizar a vida musical de Monterrei, a través dun proxecto cultural dun grupo de mozos e mozas. Trátase dun conxunto de 45 músicos cun repertorio que varía dende a tradicional muiñeira ata o swing americano. Tras publicar no pasado nadal o seu primeiro álbum “Rumbo NE”, este ano “Nova Era” tocou en festivais de República Checa, Francia, Portugal e España.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close