CulturaCulturaMúsicaÚltima hora

A Banda de Música do Barco estreará en Vilamartín o ciclo “Sons de Banda no Camiño de Inverno”

Incluirá catro actuacións ata a primavera noutras tantas vilas polas que pasa esta ruta xacobea

A Banda de Música do Barco durante un concerto en setembro./ Foto: Ángeles Rodríguez.

 

O vindeiro 28 de setembro ás 20h. porase en marcha na praza José Luis Núñez de Vilamartín de Valdeorras o ciclo “Sons de Banda no Camiño de Inverno”. Trátase dunha serie de actuacións nas que se intercalarán as melodías da Banda de Música do Barco con historias e lendas ligadas ao Camño de Santiago. Este proxecto está cofinanciado pola Xunta de Galicia dentro do programa O teu Xacobeo.

En total serán catro concertos, o primeiro dos cales será neste outono en Vilamartín. Nesta primeria actuación a banda que dirixe Manuel Prada Ramos estará acompañada polo contador de historias Eladio Santos Martínez (Gargallada Teatro).

O ciclo continuará na primavera con concertos na Rúa (tamén con Eladio Santos) e no Barco e en Monforte de Lemos (onde tamén participará a banda de música desta localidade). Nestas dúas citas estará a contacontos Paula Carballeira. Nun destes espectáculos tamén se contará co artista valdeorrés Roi Domínguez.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close