Publicidade
ConcellosTrivesÚltima hora

A bandeira multicor ondea no Concello de Trives

Con este xesto esta administración local únese á conmemoración do "Mes do Orgullo"

Publicidade

 

Como xa sucedera o pasado ano, neste mes de xuño a bandeira multicor loce na fachada do Concello da Pobra de Trives no marco da celebración do “Mes do Orgullo LGBTI”.  “Simboliza a defensa da diversidade sexual e a liberdade individual de ser e sentir o que cada quen sexa e senta. Este ano máis que ningún outro, a vida lembrounos que temos data de caducidade, que todo pode cambiar nun segundo, que é prioritario aproveitar o noso tempo, cumprir o noso obxectivo de ser felices o tempo que pasemos aquí. Por iso é tan importante reivindicar o dereito de todas as persoas a ter unha vida plena e independente e a gozar da liberdade, sen ver ameazados os seus dereitos fundamentais e máis elementais por razón do seu sexo, identidade de xénero ou orientación sexual”, aseguran dende o Concello de Trives.

Nesa liña, o goberno municipal trives quere seguir “apostando por unha sociedade plural, que traballe por e para a plena inclusión de todos os colectivos, que visibilice a diferenza e a faga propia” e apoiará “todas aquelas políticas que favorezan o desenvolvemento de programas e proxectos de atención, información, sensibilización, formación e concienciación da diversidade sexual en todas as súas manifestacións”.

Foto cedida.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close