Por terceiro ano consecutivo, o Concello da Pobra de Trives súmase á conmemoración do “Día do Orgullo”. Dende este vernes ondea no exterior da Casa Consistorial trivesa a bandeira que representa ao colectivo LGTBI+, “amosando a sensibilidade e compromiso tamén con este colectivo tal e como se vén facendo dende a toma de posesión do goberno progresista”, sinalan dende o grupo de goberno municipal.
