EconomíaEconomíaÚltima hora

A barquense Ana Pérez Varela gana o VI Premio Domingo Fontán de investigación

Na obra galardoada a autora recupera a memoria do prateiro Ricardo Martínez Costoyadun, un descoñecido artista compotelán que chegou a fabricar obras para o rei Alfonso XIII, o papa León XIII, Isabel de Borbón ou o emperador Guillermo II de Alemaña

A investigadora barquense Ana Peréz Varela, recollendo o premio. /Foto: Yago García.

 

Doutora Cum Laude en Historia da Arte pola Universidade de Santiago de Compostela (2019) onde traballa dende hai catro anos, Ana Pérez Varela (natural do Barco de Valdeorras) é unha docente e investigadora cuxo obxectivo é poñer en valor o patrimonio inmaterial da pratería galega, a súa dimensión antropolóxica e o seu uso cultural. “A miña principal liña de investigación céntrase na análise da estrutura laboral compostelana no séculos XIX e XX, especialmente o gremio de prateiros, a súa organización socioeconómica e a súa produción artística”, explica Ana que leva publicados máis de vintecinco artigos de investigación e capítulos de libros.

E precisamente unha desas investigacións valíalle o VI Premio Domingo Fontán, convocado pola Real Sociedade Económica de Amigos do País de Santiago e a Universidade de Santiago de Compostela. Trátase dun certame de carácter bianual ao que se poden presentar libros de investigación científica en humanidades e ciencias sociais, que está dotado de 2.000 euros en metálico e a publicación do libro coa editorial do Consorcio de Santiago.

 

Ana Pérez Varela defendendo a súa tese o 29 de novembro de 2019. /Foto: Pablo Varela.

 

A obra ganadora deste VI Premio leva por título “O prateiro compostelán Ricardo Martínez Costoya (1859-1927): contexto, vida e obra” e nela, a autora recupera a memoria “dun importante e descoñecido artista compotelán que chegou a fabricar obras para o rei Alfonso XIII, o papa León XIII, Isabel de Borbón ou o emperador Guillermo II de Alemaña”, explica a investigadora barquense, destacando que o xurado valorou “o esforzo documental, a coherencia do traballo e a relación establecida entre a pratería e a Real Sociedade Económica”.

A entrega do Premio tiña lugar o pasado o 11 de marzo nun acto celebrado na sede da Real Sociedade Económica, presidido polo reitor da USC, Antonio López, ao que tamén asistían o presidente da Real Sociedade, Francisco Loimil e a xerente do Consorio, Belén Hernández.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close