CulturaCulturaÚltima hora

A barquense Fátima Delgado presenta o seu novo poemario no café teatro Bajo Cinco

O acto será o domingo 23 de decembro ás 19:30h. e contará coa presenza da autora acompañada por música electrónica
Fátima N. Delgado. /Foto: alprimervuelo.com

É poeta, actriz e dramaturga natural do Barco de Valdeorras e malia vivir en Madrid dende hai unha década onde mestura as tres facetas, nesta Nadal presenta en casa o seu novo poemario Ninfopoética editado por Urutau (Brasil)

En palabras do propio editor, Wladimir Vaz, “O libro de Fátima N. Delgado fainos recordar que todos nós precisamos rexuvenecer. É unha oda ao corpo, aos desexos e aos soños de xuventude. A autora envólvenos con ardor e fainos sentir vivos”.

A presentación terá lugar este domingo 23 de decembro ás 19:30h. no Café Teatro Bajo Cinco e contará con poesía en vivo na voz da propia autora do libro acompañada por música electrónica. Posteriormente abrirase o micro para que os poetas que queiran compartan os seus versos.

 

Cartel da presentación de Ninfopoética no Bajo Cinco, O Barco.

Artigos relacionados

Back to top button
Close