A base de Protección Civil e do Grupo de Emerxencia Supramunicipal (GES), recibiu a visita do vicepresidente da Xunta, Alfonso Rueda. Tivo lugar no día de hoxe, día seis de agosto, ás 13:00 horas.
Esta visita tivo lugar debido a que a Xunta está a colaborar este ano cun total de 39 Agrupacións de Voluntarios de Protección Civil (AVPC) para prestar asistencia aos peregrinos que percorren o Camiño de Santiago. Os voluntarios ocúpanse, entre outras funcións, de patrullar as rutas que pasan polo seu termo municipal e concellos limítrofes e atender aos camiñantes por cuestións propias de protección civil: axuda personalizada, traslado de feridos ou primeiros auxilios.
Así, ademais do vicepresidente da Xunta, acudían o alcalde da Gudiña, José María Lago; a delegada da Xunta en Ourense, Marisol Díaz Mouteira; e o director xeral de Emerxencias de Galicia, Santiago Villanueva. Aproveitando este encontro, as autoridades visitaron o albergue da Gudiña, cuxa capacidade é de 24 persoas e ten un custo de 6 euros.
Fotos: Carlos G. Hervella
