CulturaCulturaEducaciónÚltima hora

A Biblioteca de Verín, un motor de lecturas e dinamización cultural

Preséntase o balance de actividade do 2015 desta instalación cultural
Unha das actividades de dinamización da lectura da biblioteca de Verín./ Foto: Biblioteca de Verín.
Unha das actividades de dinamización da lectura da biblioteca de Verín./ Foto: Biblioteca de Verín.

Con datos moi positivos se presenta o balance que de actividade da Biblioteca Municipal do Concello de Verín ao longo do 2015. Nel “mantén a súa tendencia á alza respecto de anos anteriores tanto en préstamos e número de socios, como nas actividades de fomento de lectura e dinamización que superan nun 115,8% ás programadas no ano anterior”, segundo se destaca dende o Concello de Verín.

Increméntanse os fondos (tanto por unha maior dotación económica como recepción no 2015 do lote de libros do premio María Moliner 2014) e tamén o número de préstamos. “Mantense a tendencia á alza cun rexistro de 5.467 libros prestados no 2015, o dato maior en toda a serie histórica da Biblioteca Municipal de Verín. Mentres que o préstamo adulto mantense practicamente na mesma tendencia, podemos apreciar que é o préstamo infantil o causante deste notable incremento. Este dato pon de manifesto que todas as tarefas de fomento da lectura en idades cativas dan o seu froito”, aseguran dende o Concello de Verín.

O etnólogo José Rodríguez Cruz, nunha conferencia impartida recentemente na Biblioteca de Verín./ Foto: Biblioteca de Verín.
O etnólogo José Rodríguez Cruz, nunha conferencia impartida recentemente na Biblioteca de Verín./ Foto: Biblioteca de Verín.

Tamén se aprecia un incremento no número de socios: con 364 novos socios, roldando a !excelente cifra de 3.000 persoas adscritas ás instalacións”. Dende o Concello de Verín destácase asemade que son as actividades de fomento da lectura e dinamización da Biblioteca Municipal “as que experimentan unha evolución máis pronunciada cun incremento dun 115’8% no 2015 con respecto ao ano anterior. Este aumento vén dado, en gran medida, polo importante número de conferencias e presentacións de libros que a Biblioteca Municipal organizou durante este último ano e que atraen a un gran número de persoas as instalacións”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close