Publicidade
PolíticaÚltima hora

A cabeza de lista do BNG por Ourense, Noa Presas, destaca que “é máis importante que nunca ir a votar”

Chegaba á mesa electoral situada na Galiña Azul-Colón da capital ás dez da mañá "convencida de que as medidas de seguridade son as necesarias e suficientes"

A cabeza de lista do BNG por Ourense, Noa Presas, animou a toda a veciñanza de Ourense e de Galicia a “acudir a votar en masa nesta xornada electoral cumprindo todas as medidas de seguridade socio-sanitaria”. Presas sinalou que neste contexto, despois da crise do coronavirus, “é esencial elixir libremente que aposta escoller para o futuro do noso país e o modo no que saímos desta crise que tamén será económica, ademais de sanitaria e social.”

 

Noa Presas depositando o seu voto.

 

A cabeza de lista da formación nacionalista exerceu o seu dereito a voto a na mesa da Galiña Azul-Colón da capital ourensá ás dez da mañá, “convencida de que as medidas de seguridade son as necesarias e suficientes”. “Que non se deixen levar polos calores que temos hoxe en Ourense” indicaba a candidata sorrindo mentres animaba á veciñanza a ir a votar nestes comicios “con confianza”

 

 

Neste momento, segundo sinalou Presas, “nas mesas electorais están funcionando as medidas de seguridade e está habendo un bo ambiente nos colexios electorais. Neste contexto e despois da crise do coronavirus é máis importante que nunca ir a votar e que decidamos cada un de nós libremente que aposta queremos escoller para o futuro do noso país para saír adiante”, recalcou Presas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close