EconomíaEconomíaGalerías de fotosÚltima hora

A calor non frea aos miles de asistentes á Festa das Covas de Vilamartín de Valdeorras

Comezaba ás 20:30 horas e prolongábase ata altas horas da madrugada

 

 

Como xa é tradición, no calendario dos valdeorreses e turistas, está reservado o primeiro sábado de agosto á Festa das Covas de Vilamartín de Valdeorras. Esta celebración comezaba ás 20:30 horas, estreando lectores QR para as entradas, as cales este ano se vendían online, aínda que tamén se podían comprar en taquilla por un euro máis. “Tanto o novo método de venda de entradas, como as redes sociais e a nova app, funcionaron moi ben”, afirmaban dende a organización.

 

 

As entradas ao recinto non se taponaron tanto grazas a este cambio, e os asistentes ían chegando, en grupos grandes, pequenos ou en parella. O viño fresco e os variados pinchos volveron atraer ás 4 000 persoas, que, cos seus panos granates, percorreron as 44 covas, divididas en sete zonas: O Mazo, Os Barreiros, Mirador, Justino Fernández, O Valadal, O Caño e A Reza. Estas 4 000 persoas non só eran valdeorresas, senón que chegaban de distintas partes, como Madrid, Asturias, País Vasco, Francia, Castela A Mancha, Rías Baixas, Lugo ou A Coruña.

 

 

Así, entre as charangas Os Februdos e Airiños de Candelas, e a batucada Lucha de Gladiadores, foi transcorrendo esta tarde-noite de 3 de agosto. Ás 00:00 horas, os coveiros ían pechando as súas covas para que os asistentes se dirixiran á zona das piscinas. Alí, a orquestra Fénix e a discoteca móbil Disco Stuu, foron as encargadas de facer bailar á xente ata altas horas da madrugada.

 

Batucada Lucha de Gladiadores.

 

Durante a actuación da orquestra.

 

Texto: Alba Prada

Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close