Eleccións municipaisPolíticaÚltima hora

A candidata do BNG na Rúa aposta pola honradez e por “gobernar para todos”

O mitin-coloquio do Bloque Nacionalista-Asembleas Abertas estivo centrado na problemática dos emigrantes retornados
A candidata do BNG na Rúa, María González Albert, durante a súa intervención. /Foto: Mónica G. Bellver.
A candidata do BNG na Rúa, María González Albert, durante a súa intervención. /Foto: Mónica G. Bellver.

“Pídolles que voten ao BNG porque creo que é o que máis lles convén, o que máis vai defender os seus intereses tanto individuais como colectivos, e o que pode conseguir que nos concellos desta comarca, dentro de 30 anos, non teñan que estar falando como emigrantes retornados senón como galegos que puderon desenvolver o seu proxecto vital na súa terra. O único que necesitamos, coma sempre é ter o pobo detrás”. Con estas palabras remataba a deputada do BNG, Tareixa Paz, a súa intervención no mitin do Bloque Nacionalista Galego-Asembleas Abertas celebrado na tarde do 20 de maio na Casa da Cultura da Rúa.

O acto, que tamén contou coa intervención dos candidatos nacionalistas á alcaldía da Rúa e de Vilamartín de Valdeorras, María González e Antón Rodríguez respectivamente, e o apoio dos candidatos doutros concellos, estivo centrado na problemática dos emigrantes retornados e na plataforma creada dende o BNG para defender os dereitos dos cidadáns a ese respecto.

María González Albert foi a última en intervir asegurando que “de cara a estas eleccións o que lles podo ofrecer é o noso compromiso de facer un traballo honrado, de traballar por vostedes tanto se nos dan o voto coma se non, porque se trata de gobernar para todos con moita ilusión, para cambiar políticas que se estan levando a cabo na Rúa que creo que só benefician aos de sempre”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close