A candidatura do BNG da Rúa íspese para defender o encoro de San Martiño

Realizaba un acto lúdico e reivindicativo no Aguillón, entrando nas augas do Sil con pancartas para demandar a súa limpeza

Dun xeito lúdico e orixinal reivindicaba no mediodía do 19 de maio o BNG da Rúa a limpeza do encoro de San Martiño. Boa parte dos membros da candidatura coa que se presentan ás eleccións municipais do vindeiro 26 de maio espíase e entraba nas augas do encoro na zona do Aguillón con pancartas.

“Esta é unha metáfora coa que queremos dar a entender que Iberdrola déixanos espidos para levar fóra todo o que produce aquí”, aseguraba a candidata nacionalista á alcaldía ruesa, María Albert. “Queremos amosar o desleixo de Iberdrola e tamén da Confederación Hidrográfica do Miño-Sil coa limpeza deste encoro que ten moitísimas posibilidades que, de estar limpo, se poderían aproveitar como é o caso de ser unha zona de baño en condicións, a de poder acoller probas de nado ou competicións de piragüismo tamén nas condicións axeitadas. Desvincúlanse da limpeza do río e de toda a contorna, cando lles pertence esa responsabilidade ecolóxica que non están a executar”, engadía.

 

 

 

 

María Albert aseguraba asemade que “non podemos permitir a marcha de Iberdrola da Rúa, nin tampouco a postura da Xunta que no Parlamento, ante unha pregunta do BNG asumiu totalmente a posición da empresa”.

Fotos: Carlos G. Hervella.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies