Esta cita non competitiva, que tiña lugar na tarde do 18 de decembro no Barco, discurría polo centro da vila
Primeiro saían os corredores máis xoves, e apenas un cuarto de hora despois, os maiores. A novena edición da Carreira Popular e Solidaria do Turrón do Barco reunía a uns 800 participantes na tarde do 18 de decembro no Barco. O percorrido dos maiores partía dende Andrés de Prada, pasaba pola avenida Conde Fenosa e logo xiraba, por Abdón Blanco, cara o Malecón. A este percorrido podían darse, de forma opcional, ata tres voltas. A meta estaba na mesma praza Andrés de Prada.
A cor vermella era a predominante na indumentaria dos corredores, con alusións relativas ao Nadal e multitude de disfraces. A proba concluía ao redor das nove da noite cunha chocolatada, coa entrega de premios e tamén cun sorteo de agasallos.
Fotos: Carlos G. Hervella
