DeportesEn portadaGalerías de fotosÚltima hora

A Carreira e Andaina do Nadal enche de cor A Rúa

O valdeorrés Alejo Ares proclámase vencedor da proba absoluta, seguido por Luis Pérez e Jesús Rodríguez

Se na tarde do 22 de decembro O Barco acollía unha multitudinaria Carreira do Turrón, na mañá do 23 era A Rúa a que se enchía de cor e espírito navideño e solidario coa celebración da VII Carreira e Andaina do Nadal. Unha proba que superou expectativas reunindo a máis de duascentas persoas en torno ás diferentes probas.

Nunha mañá soledada pero cun vento forte e frío, os andarines (109) eran os primeiros en saír pasadas as 11h. moitos deles ataviados con curiosos e chamativas vestimentas navideñas. De seguido tocáballe o turno á carreira absoluta con 72 inscritos que tiñan por diante case 8 quilómetros pola zona de viñedos, con saída e meta na estación de Autobuses. E aí, o valdeorrés Alejo Ares Prada non tivo rival, subindo unha vez máis ao alto do podio. O segundo en cruzar a meta foi Luis Pérez Varela e o terceiro Jesús Rodríguez León. Con respecto ás mulleres, a local Susana Vázquez era a primeira en cruzar a meta, seguida da tamén ruesa Maribel García Porto. Despois tocáballe os turno ás categorías inferiores, dende cadete ata prebenxamíns.

En total houbo xente de toda a comarca, uns como independentes e outros dentro dun club, sendo o Fluvial Piragüismo o máis numeroso. Tamén tivo representación o Club Adas e o Atletismo Rúa, entre outros.

A carreira solidaria estivo organizada por Valdemove, Adas Proinor do Barco e Concello da Rúa en colaboración coa delegación valdeorresa da FGA, e os alimentos recadados coa inscrición foron entregados ás Irmás da Caridade.

Máis información e clasificación completa na vindeira edición de O Sil Deportivo.

Fotos: Mónica G. Bellver, excepto a última que é cedida.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close