A carreira nocturna de Quiroga reuníu a uns 300 participantes

Juan Estevan Paredes e Ludy Quintas impuxéronse na IV Night Trail

1:08:33 horas foi o tempo que tardou Juan Estevan Paredes Ortiz en completar os 17 quilómetros do Trail Night de  Quiroga, converténdose no gañador da IV edición que reunía a 305 corredores na noite do sábado 6 de xullo.

Cunha importante participación local, un dos obxectivos que perseguían dende o Concello, organizador da proba, a  espectacular saída tiña lugar ás 22:30h. dende a praza de España, e os participantes foron chegando ao longo da noite. Na categoría feminina a primeira en cruzar a liña de meta foi Ludy Quintas Devesa, cun tempo de 1:47:32. Con respecto ao trail de 10 quilómetros, a outra das rutas, en homes impúxose Adrián Blanco Diéguez, que empregou 43:09 minutos en acometer o circuíto; e en mulleres, a máis rápida foi Sonia Méndez Pérez, cun rexistro de 51:33 minutos.

Antes da saída, houbo unha sesión de zumba-fitness e na chegada “os participantes tiñan unha comilona para repoñer forzas”, explican dende a organización, apuntando que o 80% do traxecto transcorreu por pistas e carreiros, evitando na medida do posible o asfalto, “un percorrido que fixo que os participantes puidesen gozar dunha espectacular estampa nocturna do val de Quiroga nunha noite de temperaturas moi agradables”.

Fotos: Diario de Quiroga e cedidas.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies