A Casa da Cultura de Viana do Bolo acolle a XIV Mostra de Corais

Tivo lugar na tarde noite de onte, once de agosto, e participaron tres agrupacións

A XIV Mostra de Corais de Viana do Bolo, promovida polo Orfeón Vianés en colaboración co Concello, tivo lugar onte, sábado 10 de agosto, na Casa da Cultura. Comezaba ás 20:30 horas, e nela participaban tres agrupacións: a Coral Polifónica de Lalín, o Coro de Ribadavia e o Orfeón Vianés.

A primeira actuación correu a cargo da Coral Polifónica de Lalín, dirixida por Benxamín Otero Otero, a cal interpretou catro pezas: “Yurumí”, “Piel canela”, “La reina del placer” e “Alma, corazón y vida”. A continuación, era o turno do Coro de Ribadavia, dirixido por César Lorenzo Álvarez e interpretando “Ausencia”, “Son borinqueño”, “Háblame del mar”, e “Son cubano”.

 

A presidenta do Orfeón Vianés, Pilar Pérez.

 

Por último, cunha gran ovación, o Orfeón Vianés, dirixido por Vitor Fernández Nogueiras, interpretou “A Virxe do Portvello”, “Rey León”, “Viento del norte”, e “Las espigadoras”.

Ao remate, a concelleira de Cultura, Graciela Dieguez, fixo entrega dun agasallo para as agrupacións visitantes e para os seus directores. Así, interpretaron todas xuntas “O voso galo comadre”.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies