A horta da Casa dos Poetas de Celanova acollerá, o próximo xoves 30 de xullo, a presentación do libro “Esquecementos”, obra do escritor Carlos Teijeiro. O evento está organizado pola Fundación Curros Enríquez e comezará ás 20:30 horas.
A publicación recolle unha serie de fotografías que formaban parte dunha exposición itinerante que estivo ata agora exposta na Casa dos Poetas, tras ocupar a sala dos arcos no Concello de Celanova. Ademais do escritor, a presentación tamén contará coa presenza de Antonio Piñeiro, que colaborou cun relato a esta publicación e no que tamén participou o poeta celanovés, Baldo Ramos.
A organización insta ao cumprimento de todas as medidas de seguridade derivadas da crise sanitaria e sinala que o uso de mascarilla será obrigatorio.