Publicidade
CulturaEducaciónÚltima hora

A Casa dos Poetas de Celanova acolle un novo campamento a partir do 3 de agosto

Levará por nome "O ambiente galego" e está destinado a coñecer a fauna e flora autóctonas

 

O vindeiro 3 de agosto dará comezo na Casa dos Poetas de Celanova o campamento de verán “O ambiente Galego”, que durará ata o día 28 de setembro. A organización corre a cargo da Fundación Curros Enríquez en colaboración co Concello de Celanova e estará impartido por Xurxemurxe Xestión Cultural.

“O ambiente Galego” está destinado a nenos de entre 4 e 12 anos e será de 10:30h a 13:30h, de luns a venres. Coa actividade búscase que os máis pequenos coñezan a fauna e a flora galega, o seu bosque autóctono e as responsabilidades individuais e colectivas para coidar o medio. As actividades engloban obradoiros, xogos variados, actividades de cine, manualidades, un taller de cociña, estudo do medio e a plantación dun carballo.

O aforo estará limitado a un máximo de 10 prazas e para consultar as medidas sanitarias deberase contactar coa Fundación Curros Enríquez. Esta nova actividade continúa o campamento de xullo, que rematou hoxe, día 31, e que estivo centrado no descubrimento da cultura e o territorio galego.

 

Cartel promocional do campamento de agosto. / Foto: cedida.

 

Fotos da galería: cedidas, mostran algunhas imaxes do campamento de xullo.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close