EconomíaEconomíaGalerías de fotosÚltima hora

A castaña galega promociónase en Gourmets

A IXP Castaña de Galicia, con presenza no stand da Consellería do Medio Rural, está a realizar degustacións neste certame que se celebrará ata o 10 de maio en Madrid

Gourmets está considerado o principal evento europeo dedicado aos produtos delicatessen de referencia para todos os profesionais da industria da alimentación, bebidas e gastronomía. Nesta edición, que se está a desenvolver do 7 ao 10 de maio, teñen presenza os diferentes consellos reguladores de calidade galegos, entre os que está o da Indicación Xeográfica Protexida (IXP) Castaña de Galicia.

Na tarde do 8 de maio, esta IXP ofrecía aos visitantes de Gourmets unha degustación de castañas fritidas, asadas e de puré de castañas, así como de queixo azul con arroz de remolacha e castañas. Para mañá, 9 de maio, está prevista unha nova degustación entre as 13h. e 14h. na que se amosará a versatilidade culinaria da castaña galega e a calidade deste produto.

 

De esquerda á dereita: representante da IXP Castaña de Galicia, a secretaria da IXP Queixo de Tetilla, a técnica da IXP Mel de Galicia, o técnico da IXP Pataca de Galicia, a presidenta da IXP Mel de Galicia, a conselleira do Medio Rural, Miguel Areán, o secretario da DOP Queixos Arzúa-Ulloa, a xefa de servizo de Promoción de Calidade e o presidente da DOP Queixo de Tetilla.

 

Na xornada do 8 de maio, a conselleira do Medio Rural, Ángeles Vázquez, visitaba a mostra Gourmets, acompañada por outros membros deste departamento autonómico, e destacaba que esta cita constitúe un escaparate para darlle proxección aos produtos galegos nun escenario no que a alta gama é a protagonista.

Fotos cedidas pola IXP Castaña de Galicia.

 

De esquerda a dereita: a xefa de servizo de Promoción de Calidade, a presidenta da IXP Mel de Galicia, o secretario da IXP Castaña de Galicia, a conselleira do Medio Rural, o subdirector xeral de Industrias e Calidade Agroalimentaria e a directora xeral de Gandería, Agricultura e Industrias Agroalimentarias.

 

Artigos relacionados

Back to top button
Close