A pre-cata, na tarde do xoves 10 de xullo, e a cata final da mañá do 11 de xullo seleccionaba na sede do Consello Regulador da D.O. Valdeorras, en Vilamartín, aos mellores viños da XVII Feira do Viño de Valdeorras. Tras a valoración dos expertos (un panel formado por uns dez catadores) será o público quen terá oportunidade de degustar os caldos desta nova edición do certame cuxo programa se abrirá de forma oficial o sábado 12 de xullo ás 12:30h. na praza Andrés de Prada do Barco.
Para este acto inaugural contarase coa presenza da pianista e gaiteira ourensá Cristina Pato, a partir de aí as 22 casetas das adegas participantes ofrecerán máis de cen marcas diferentes ao público. Iso si, os nomes dos viños galardoados nesta edición da cata non se coñecerán ata ás oito da tarde do sábado, momento no que se procederá á entrega de galardóns ás adegas no mesmo recinto feiral.
Máis información na edición en papel do Periódico O Sil
Fotos: Ángeles Rodríguez
