CulturaCulturaÚltima hora

A “cegueira branca” de Saramago, da man de Sarabela Teatro no Barco

Esta obra, adaptación da novela “Ensaio sobre a cegueira”, representarase o 26 de febreiro ás 21h.no Teatro Lauro Olmo
Unha das esceas de "Ensaio sobre a cegueira" de Sarabela Teatro. Foto: Sarabela Teatro.
Unha das esceas de “Ensaio sobre a cegueira” de Sarabela Teatro. Foto: Sarabela Teatro.

Mentres agarda na beirarrúa a que un semáforo cambie de cor para cruzar a estrada, un home fica cego subitamente. A partir de aí, como se dunha epidemia se trátase, unha extraña “cegueira branca” exténdese imparable pola cidade. Así arranca “Ensaio sobre a cegueira”, a novela do escritor José Saramago que Sarabela Teatro vén de levar aos escenarios.

A súa proposta, con dirección de Ánxeles Cuña Bóveda (autora tamén da adapación da novela ao teatro) e cinematografía de Jorge Coira (18 Comidas) e Gaspar Broullón, poderá verse o vindeiro venres 26 de febreiro ás 21h. no Teatro Lauro Olmo do Barco. A obra conta cun elenco de actores formado por Josito Porto, Nate Borrajo, Xavier Estévez, Jorge Casas, Sabela Gago, Vicente Montoto, Elena Seijo, Fernando Dacosta e Fina Calleja.

Nesta peza, cunha duración de 90 minutos, reflexiónase de xeito inquietante sobre o mundo actual, a moral, a práctica da lei, a solidariedade, a ética… “Ensaio sobre a cegueira” é, segundo se indica dende a Concellería de Cultura do Barco, “a ficción dun autor que nos alerta sobre a responsabilidade de ter ollos cando outros xa os perderon“.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close