A charanga Terras do Bibei (TDB) pecha a programación musical das Festas de Verán da Rúa. Esta programación consistiu en actuacións polas rúas, xa que o Concello decidiu facer pequenas actividades para esta celebración por mor da situación sanitaria actual.
Pola noite terá lugar a proxección do filme “María Solinha”, que contará coa presenza do seu director, o petinés Ignacio Vilar. Será ás 22:30 horas no campo de tiro do Aguillón.