Sen categorizar

A CHMS crea un novo punto de control de calidade das augas no Arenteiro ao seu paso polo Carballiño

Durante o próximo mes abordarase a construción das estacións do río Sarria en Sarria (Lugo), río Louro en Tui (Pontevedra) así como no río Deva nas Regadas, Arbo (Pontevedra)

 

Finalizan as obras para a instalación dunha nova estación do Sistema Automático de Calidade das Augas (SAICA) no río Arenteiro ao seu paso polo Carballiño (Ourense). Esta actuación ten sido realizada pola Confederación Hidrográfica Miño-Sil (CHMS) no marco do Proxecto RISC Miño-Limia.

Os traballos foron executados na marxe esqueda do Arenteiro e consistiron na instalación dunha sonda multiparamétrica que subministrará datos en tempo real de variables físico-químicas tan importantes para a
calidade das augas como a turbidez, o osíxeno disolto, a condutividade, as concentracións de amonio ou u ph, así como a temperatura da auga.

Desta forma será posible detectar potenciais episodios futuros de contaminación accidental que se poidan producir nesta masa de auga e actuar de forma máis rápida e eficaz contra eles. Ademais poderase facer un
mellor diagnóstico e control en continuo do estado da masa de auga do río Arenteiro.

O envío dos datos desde a nova estación ata a súa recepción no centro de control de conca (CECU) da CHMS, situado na cidade de Ourense, farase vía satélite e casi en tempo real, cada 15 minutos. “Nestes momentos estamos realizando as probas e conexións necesarias para asegurar o correcto funcionamento da transmisión da información e para o volcado automático dos datos na páxina web da CHMS”, segundo este organismo de conta.

 

 

Ademais, comezaron os traballos para a implantación dos novos puntos SAICA no río Avia en Leiro (Ourense), que se prevé finalicen antes de final de ano; e durante o próximo mes abordarase a construción das estacións do río Sarria en Sarria (Lugo), río Louro en Tui (Pontevedra) así como no río Deva nas Regadas, Arbo (Pontevedra).

O orzamento global das cinco actuacións é de 206.011,13 €. Estas actuacións forman parte a actividade IV “Sistemas de control de conca e medidas de retención natural contra inundacións” do proxecto europeo
sobre prevención de riscos de Inundacións e Secas na conca internacional Miño-Limia, do Programa Operativo de Cooperación Transfronteriza España-Portugal 2014-2020.

Fotos: CHMS.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close