ConcellosGalerías de fotosÚltima hora

A chuvia obriga a aprazar a procesión de San Roque na Rúa Vella

O traslado da imaxe do santo dende a igrexa de Santo Estevo ata a capela no campo de San Roque será mañá ás 12h. Despois de semanas sen chuvia, a auga volvía facer acto de presenza en Valdeorras na mañá do domingo 18 de agosto, o día no que a imaxe de San Roque debía regresar á capela no campo da Rúa Vella. Comezaba a chover a media mañá pero a esperanza de que escampara mantíñase ata o final da misa.

Despois da eucaristía na honra a San Roque, patrón da Rúa Vella, estaba todo listo para comezar a procesión que levaría a imaxe do santo dende a igrexa de Santo Estevo ata a súa capela no campo de San Roque, pero ante a insistente chuvia, párroco e fegreses decidían aprazar o traslado ata mañá, en torno ás 12h. Despois celebrarase, tal como estaba previsto, unha misa no entorno da capela.

Malia a chuvia, a Agrupación Musical da Limia, que interpretaba un tema durante a misa (cantada polo coro parroquial), dirixíase ata o campo da festa para amenizar a sesión vermú. A festa continúa pola tarde cun concerto da banda na praza César Conti (19h.) e a actuación da orquestra Pontevedra en sesión de tarde e verbena.

Fotos: Mónica G. Bellver.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close