Aínda así, algúns dos integrantes do cortexo fúnebre do Meco reuníanse para cantar as coplas satíricas que acompañan este acto
Esperábase que a chuvia cesase, pero non foi así, e ao final a Concellería de Cultura do Barco decidía ás oito da tarde do Mércores de Cinza suspender a celebración do enterro da sardiña no Barco, que estaba prevista para as oito e media. Non se sacou en procesión, nin se queimou o Meco, pero si soaban as coplas satíricas que acostuman acompañar a este ritual que despide o Entroido na vila.
Así, os integrantes do cortexo fúnebre (o oficiante do enterro, carpideiras e outras persoas que se reunían na praza Maior) decidían continuar co rito dentro do Bar Buraco, compartindo pan e chourizos, mentres soaban os versos cuxa temática estrela neste ano eran as eleccións.
Fotos: A.R.