Galerías de fotosOurenseÚltima hora

A cidade de Ourense rende culto ao seu patrón, San Martiño

Coa procesión e horna na Catedral arrancaban os actos na mañá do 11 de novembro

 

“Neste día grande, quero ter máis presente que nunca os valores que foron a luz que guiou toda a existencia do noso patrón, como son a humildade e xenerosidade, o traballo, a constancia e o espírito de sacrificio. Neste ideario debemos movernos todos, máxime aqueles que temos a alta honra e a responsabilidade de ser os representantes dos cidadáns, procurando unha mellor convivencia, alimentando o entendemento, a solidaridade, fortalecendo os nosos valores para dar resposta a todas ás necesidades dos ourensans e daquelas persoas mais vulnerables que nos últimos anos víronse mergulladas nunha destrutora crise”.

Con estas palabras, arrancaba a ofrenda ao San Martiño de Gonzalo Pérez Jácome, no decurso da misa maior celebrada esta mañá na Catedral. “Hoxe é un día especial, pois por primeira vez como alcalde cumpro cunha longa tradición”, dixo diante do altar e de todos os fegreses, asegurando que “quero asumir o meu compromiso con todos vos e á vez impulsar as medidas necesarias para conquistar ese futuro colectivo. É o momento de mirarnos aos ollos, de falarmos claro e de asumir responsabilidades, sendo conscientes de que só así se poderá converter Ourense nun espazo de vida e de benestar no que todos poidamos sentirnos orgullosos. Non é tempo de reproches, senón de valentía, traballo e servicio público. Temos por diante moitos retos. O principal é o da igualdade e o de xerar riqueza que teña unha incidencia determinante na nosa actual situación socio económica”.

 

O alcalde de Ourense Gonzalo Pérez Jácome durante a misa.

 

Hoxe 11 de novembro, festivo en Ourense, é o día en que a cidade honra ao seu patrón coa procesión encabezada pola corporación municipal “baixo mazas” desde a Casa do Concello ata a Catedral de San Martiño, e a posterior eucaristía harmonizada pola Coral De Ruada e presidida polo bispo da diócese, monseñor José Leonardo Lemos Montanet, na que se deron cita centos de devotos.

A festa continúa pola tarde co magosto popular no parque Barbaña, con castañas asadas, bolos preñados e viño.

Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close