Continúan descendendo os positivos de Covid-19 en Valdeorras. Neste luns 9 de agosto a comarca rexistra un total de 141 casos activos de Covid, o que supón 9 menos que onte, segundo os datos do Sergas actualizados ás 18h. de onte.
Esta baixa é debido á diminución de casos en practicamente todos os concellos. O Barco conta con 89 casos activos, 6 menos que onte; a Rúa hoxe rexistra 32 positivos, 2 menos que onte; Rubiá ten 4 positivos, 1 menos que onte; e Vilamartín ten 6, 1 menos que onte. Por contra Carballeda volve notificar infeccións, con 1 caso activo.
No resto de concellos da comarca mantéñense as cifras de onte: Larouco ten 5 positivos; O Bolo 2, A Veiga 1; e Petín 1.
1.275 casos activos na provincia
O descenso de casos activos na provincia de Ourense é hoxe máis lixeiro que en días anteriores cun total de 1.275 casos activos, o que supón 37 menos que onte.