Continúa descendendo o número total de casos activos de coronavirus en Valdeorras. Así, na xornada deste mércores 4 de maio a comarca suma un total de 357 positivos (datos da Consellería de Sanidade actualizados ás 18h. de onte), o que supón 25 menos que onte.
Os casos activos aumentan no Barco que ten 123 (3 máis que onte), en Carballeda de Valdeorras que conta con 12 positivos (3 máis que onte), en Larouco que rexistra 5 (1 máis que onte), na Rúa que ten 66 (1 máis) e Rubiá con 18 (3 máis). Por contra, baixan os casos no Bolo que ten 5 (1 menos que onte) e en Vilamartín que rexistra 113 (35 menos).
As cifras mantéñense igual que onte en Petín que segue con 10 e na Veiga que continúa con 5.
Con respecto aos ingresos, o Hospital Público de Valdeorras rexistra 10 ingresos en planta por Covid, 1 menos que onte.
