En portadaGalerías de fotosÚltima hora

A comunidade educativa do CEIP Otero Pedrayo de Viloira corre a favor de Save the Children

Alumnado, profesorado, pais e nais sumábanse a esta iniciativa solidaria na mañá do 26 de setembro

 

Arredor das 12h. deste 26 de setembro os escolares e o profesorado do CEIP Otero Pedrayo de Viloira (O Barco) comezaban a chegar por grupos ao campiño dende o centro escolar. Alí agardaban tamén algúns pais e nais que se sumaban a unha iniciativa solidaria que implicaba a toda a comunidade educativa deste colexio: a carreira de Save the Children. Esta actividade, na que xa vén participando este centro dende hai varios cursos, enmárcase nos actos da Semana Europea do Deporte.

 

 

Dende a liña azul, situada nun dos extremos do campo de fútbol, partían as carreiras, que se realizaban por cursos e concluían no medio dest campo de herba artificial. A directora do colexio, Remedio Arias, daba a benvida a alumnos e pais e, de seguido, pasáballe o micrófono á profesora Gemma Delgado, que procedía a dar cada unha das saídas.

 

 

Os primeiros nenos en correr eran os maiores, os de sexto, e a partir de aí ían participando cada un dos cursos ata chegar ao grupo dos escolares máis pequenos, os de 3 anos. En total 120 nenos e nenas.

 

As nais e pais tras recoller o seu diploma.

 

Tamén corrían as profesoras e os pais e nais. Tras as carreiras normais, viñan outro tipo de modalidades como as carreiras saltando a comba ou con pelota. Ao final, todos os corredores recibían o seu diploma.

Fotos da galería: A.R.

Resto de fotografías: cedidas polo CEIP Otero Pedrayo de Viloira.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close