ConcellosÚltima hora

A conmemoración do 25N, en Trives

Este concello súmase á campaña “En Negro, Contra A Violencia”, organizando un completo programa de actos na semana do 19 ao 25 de novembro

Por segundo ano consecutivo, o Concello da Pobra de Trives súmase á campaña “En negro, contra a violencia” co obxectivo de promover e facer visible o rexeitamento da cidadanía ante calquera tipo de violencia contra as mulleres. Os actos terán lugar durante a semana do 19 ao 25 de novembro, dando comezo o luns día 19 coa colocación das pancartas no balcón do Concello e na Torre do Reloxo e bandeiriñas na Praza do Pilón. Nesta semana faremos visible “Trives en negro”, vestindo desta cor negra todos os locais da vila que se sumen á campaña.

Ademais a directora e a asesora xurídica do CIM tamén falará co alumnado do IES Xermán Ancochea Quevedo nunha charla de sensibilidade e concienciación sobre a violencia de xénero. Nos obradoiros de memoria anuais farase especial fincapé en actividades dirixidas a sensibilizar á poboación respecto da situación de violencia na que viven moitas mulleres, co fin de promover e facer visible o rexeitamento da cidadanía ante calquera tipo de violencia contra as mulleres.

O venres 23 e dentro do marco da conmemoración do Día Internacional da Eliminación da Violencia Contra a Muller, a obra de teatro “Loló e Mamá” será representada no Auditorio Julio Vázquez ás 20:30h. Xa o día 25, domingo, Día Internacional da Eliminación da Violencia Contra a Muller, terá lugar a ruta de sendeirismo “Sempre libre e sempre viva”. É un percorrido de dificultade baixa, dunha hora de duración aproximadamente. A saída será ás 11 da mañá diante da Praza do Concello.

Ás 12:30h. na Praza do Pilón, farase a “Lectura Do Manifesto”, e a continuación, xa finalizando o acto, contarase cunha pequena homenaxe musical feita polo Orfeón Trivés. “Desde o Concello da Pobra de Trives estamos a traballar contra as violencias machistas e a prol da igualdade das mulleres. Todas e todos en negro, contra a violencia”, indican dende esta administración.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close