A conselleira de Infraestruturas e Mobilidade, Ethel Vázquez, visitou hoxe, 31 de xuño, Seixalbo con motivo do remate da 1ª fase das obras de reforzo da seguridade viaria e integración da OU-105 na trama urbana. Estes traballos desenvolvéronse nun treito de 1,5 quilómetros mediante un investimento económico de 850 000 euros.
Ademais, a conselleira avanzou o impulso da segunda fase das obras, subliñando que “o conxunto das obras nesta estrada de titularidade autonómica non só se mellorarán a mobilidade e accesibilidade de Ourense nun treito da Vía da Prata, senón que se contribuirá a poñer en valor Seixalbo como un dos núcleos históricos da cidade”.
Este proxecto prevé un investimento duns 500.000 euros e está previsto que “saia a información pública no mes de agosto, e dentro do prazo de alegacións serán convocados os veciños para explicarlle en detalle a actuación”.
