OurenseÚltima hora

A contorna do Parque de San Lázaro, en Ourense, pecharase ao tráfico o día 18 no marco da Semana da Mobilidade 2019

Do 16 ao 22 de setembro desenvolverase un programa de actividades participativas e de sensibilización para fomentar o transporte sostible

 

O Concello de Ourense súmase á celebración da Semana Europea da  Mobilidade (16 ao 22 de setembro), cun programa de actividades divulgativas e de sensibilización destinadas a concienciar sobre as consecuencias negativas que ten o uso irracional do coche na cidade, tanto para a saúde pública como para o medio ambiente e os beneficios do uso de modos de transporte máis sostibles como o público, a bicicleta ou os desprazamentos a pé.

De luns a domingo densenvolveranse diferentes actividades, cunha xornada central o mércores 18, cando o Concello pechará ao tráfico de 9:30 a 21:30h a contorna do Parque de San Lázaro (rúa Curros Enríquez, desde Paseo até Habana e Concello, fronte á Subdelegación e o INSS), que acollerá diferentes actividades ao longo de todo o día.

Con esta iniciativa preténdese “promover unha reflexión sobre o modelo de cidade e a oportunidade de implementar medidas destinadas a favorecer o uso peonil das rúas fronte aos vehículo, e convidar a cidadanía a prescindir do coche nos seus desprazamentos en beneficio do transporte a pé”, explican dende o Concello. As actividades rematarán o día 22 co tradicional Día da Bici.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close