A Coraliña Cantora de Trives, na II edición de Ourencanto

Máis de 450 nenos cantaron na clausura do encontro celebrada no Auditorio Municipal de Ourense

Co obxectivo de achegar o mundo coral á mocidade ourensá de entre 8 e 18 anos nacía o Encontro de Coros Infantís, Xuvenís e Escolares, Ourencanto, que este ano celebrou a II edición na fin de semana do 6 ao 8 de abril no Conservatorio Profesional de Música e no Auditorio Municipal de Ourense.

Foron unhas xornadas de participación e convivencia, que contou con máis de 450 nenos da provincia entre os que estaban os membros da Coraliña Cantora dirixida por Sandra González. Dividido en varias sesións de traballo, dinámicas e divertidas, o curso incluíu prácticas de canto coral coas cancións propostas para o encontro.

O broche poñíao o concerto no Auditorio Municipal de Ourense que tiña lugar o domingo día 8, baixo a direción artística do director e compositor Josu Elberdin, quen compuxo para Ourencanto unha melodía coral baseada nunha poesía do pedagogo e escritor ourensán Albino Núñez Domínguez, estreada no acto de clausura no que foi cantado polas voces brancas participantes no encontro.

Fotos cedidas.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies