A Denominación de Orixe Monterrei abrirá mañá, luns 6 de setembro, a campaña de vendima no seu territorio amparado. A primeira adega en iniciar as tarefas de recollida de uva, neste 2021, será Pazo das Tapias, situada na localidade de Pazos (Verín), tal e como vén de anunciar o seu consello regulador.
A de Monterrei é unha das cinco denominacións de orixe vinícolas galegas. O seu territorio abrangue os municipios de Verín, Monterrei, Vilardevós, Riós, Oimbra e Castrelo do Val. Está conformada por 27 adegas. Os viñedos desta D.O. ocupan un total de 631 hectáreas de territorio nas que traballan 383 viticultores.
