En portadaÚltima hora

A D.O. Monterrei logra a maior colleita da súa historia ao chegar aos 5,5 millóns de quilos

Supera case nun millón á campaña do 2015, “ata agora a máis exitosa, na que se lograra a cifra de 4.730.522,7 de quilos”, sinala a presidenta do CRDO Monterrei, Lara Da Silva

 

A presidenta da D.O. Monterrei, Lara Da Silva.

 

Cuns resultados excelentes vén de finalizar a vendima do 2018 para a Denominación de Orixe Monterrei. Excelentes tanto en “termos cualitativos como cuantitavos”, segundo destaca a presidenta do seu Consello Regulador, Lara Da Silva. “Acadouse o máximo histórico da denominación, con 5.591.823,5 quilos de uva recolectados, superando case nun millón á campaña do 2015, ata agora a máis exitosa, na que se lograra a cifra de 4.730.522,7 de quilos”.

Dende o punto de vista das variedades, de uva branca recollíanse 3.689.415,6 de quilos e de tintas 1.902.407,9 quilos. “O estado fitosanitario da uva foi excelente, acompañado das moi boas condicións climáticas que tiveron lugar durante a campaña de vendima, con ausencia de chuvias”, recorda Lara Da Silva, “esta cuestión permitiu que se recolleran as uvas de modo gradual, conforme éstas foron conseguido o seu punto óptimo de maduración”.

A campaña comezaba o pasado 15 de setembro, coa adega de José Luis Mateo García (Quinta da Muradella), e finalizaba o 19 de outubro, sendo Crego e Monaguillo S.L. a última adega en pechar o período de recolección de uva. “Esta campaña foi, tras a do 2017, unha das máis longas da historia da denominación”, indica a presidenta.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close